𝗟𝗶𝗴𝗮𝘄𝗮𝗻 𝗦𝘁𝗮𝗿𝘁𝗲𝗿 𝗣𝗮𝗰𝗸: 𝗦𝗮𝗴𝘂𝘁𝗶𝗻 𝗺𝗼 𝗻𝗮𝗸𝗼 𝗽𝗹𝗲𝗮𝘀𝗲… 𝗠𝗮𝘆 𝗯𝗲𝗻𝘁𝗲 𝗽𝗮𝗸𝗼 𝗱𝗶𝘁𝗼

Report by Cenon Pineda | Comics by Angel Chogyomon

Kung may matutunan man tayong bagay mula sa modernong panliligaw, ito ay ang di maalintanang katotohanan na ang bente pesos ay pwede kang dalhin sa isang matamis na pag-ibig o kwek-kwek. Sa gitna ng sistematikong pagmamahalan kuno na nabubuo sa internet at walang katapusang “ayoko muna mag-aaral muna ako”. Isang maginoo ang pumatol sa pagsubok at handang tanggapin ang hamon sa pamamagitan lamang ng lakas ng loob. G.E mula sa AB Psychology - 2A ay naglahad ng mga kwentong panliligaw nang may konting tiyaga at saktong bente pesos sa bulsa.

Paano ka magpapapansin?

Sa dinamidami ng mga lalaking matipuno at may mapormang suot na agad nag- iistory sa Facebook ng kanilang magarbong Macbook at kape paano ka nga ba makapagpapakita ng motibo? Simple lang “Maging magaling sa klase” ani ni Enriquez sabay tawa… Subalit ano ang gagawin mo kung sadyang hindi ka naman talaga niya gusto kahit matalino ka; “Ano, hmmm hanap ka nalang ng ibang target? O kaya naman dito mo na kailangang ilabas ang mala kamandag na kapangyarihan ng bente pesos, bili ka lang pagkain ilibre mo siya, at sa mga simple at maliliit na bagay maari mo ng makuha ang kanyang atensiyon. Marahil maraming bagay ang pwedeng gawin ng pera, subalit sa larangan ng panliligaw higit na mahalaga ang pagiging totoo sa iyong mga nararamdaman. Ipakita ang tunay na saloobin at manatiling tapat sa iyong adhikain na makuha ang kanyang matamis na oo.

Sa mga ganitong paraan tanging lakas ng loob ang iyong kailangan para magpatuloy mula sa mala nobelang romansa na inaasam ng lahat…

Pag nag-tampo siya… Game over naba?

Kapag nasa ganitong aspeto kana kailangan mong mag dahan dahan sa mga desisyon na gagawin mo. Sapagkat ang maliit na pagkakamali, ay maaring magdala sa relasyon niyo ng konting di pagkakaunwaan. Kaya ang pinaka mabisang paraan “Hindi ako magaling sa salita, maliit na surpresa lang - pagbisita bigla, paboritong pagkain sabay sabi ng “bati na tayo baby”

Isang patunay na hindi kailangan ng fireworks, tsokolate, at bulaklak. Minsan kailangan mo lang bumili ng kwek-kwek at magpabalot ng paboritong sawsawan. Masarap na at mura pa, para sa kanya ang pagmamahal ay hindi sukatan ng presyo ng binili kundi ang hirap at pagsisikap na itutuon mo para makuha ang kanyang loob. Ang mahalaga nawala ang tampo at kasama mo siyang ngumunguya ng kwek-kwek sa dulo.

Uso pa ba ang Harana?

Sa panahon ng Spotify playlists, buhay pa ba ang Harana? Para sa kanya, oo naman. “Timeless” aniya, sabay dagdag “Kailangan ng lakas ng loob, lalo na kung sintonado” Ang harana para sa kanya ay isang pagsubok ng tapang at pagiging totoo… Subalit isang paalala ang kanyang iniwan: “Basta marunong tayong tumanggap ng oo at hindi.” Hindi ito tungkol sa pagiging cheesy; ito’y tungkol sa pagiging maginoo at makatotohanan sa iyong nararamdaman - kahit medyo off-key.

Subalit mukhang kahit anong tapang tila hindi mo lubos na matatanggal ang tiyansa ng pagka-basted, kaya ang pinaka mabisang paraan…

“Rerespetuhin ko ang desisyon niya” subalit hindi diyan natatapos dagdag niya “mangungulit pa rin ako”. Ang kailangan lang perpektong kombinasyon ng dalawa, kung gusto mo subukan mo parin dahil baka sa ganong paraan mapapabago mo ang kanyang isip,Subalit alalahanin na mahalagang alamin ang limitasyon mo, siguraduhin na sa bawat kilos ay nirerespeto mo parin ang oras niya at seguridad. Kung baga, sa labanan ng ligawan siya yung tipo na hindi mabilis sumuko, pero kung talagang wala nang pag-asa, ang importante nakatikim ka ng kwek-kwek kasama siya.

Bente Pesos Date: Revolutionary Desperado

Sa dami ng tanong ito ang pinaka bumabagabag kay Gio, “Paano mo gagastusin ang bente pesos, para sa isang date” Ang sagot niya? “Diretso sa kwek-kwekan, lahat ng bente sayo na” Sabi niya na tila isang martir. Sa panahon ng mga mahal na kapehan at milk tea isang rebolusyonaryong konsepto ito. Kasi bakit ka nga ba naman gagastos ng malaki kung masaya naman kayo sa simpleng bagay?

At kung pumasok sa isip niyong kulang ang pagsisikap niya, meron siyang iniwan na pangako: “ kung inaya man kita mag date, ibig sabihin nangako na ako sayo na magsusumikap para sa maginhawang kinabukusan para sa susunod bente mil na ang budget” Boom! Plot twist, ang dating kwek-kwek enthusiast ay magiging CEO mo pala. Kaya kung naghahanap ka ng taong masasandalan at totoo yung nararamdaman, hintayin mo ang unang maglilibre sayo ng kwek-kwek…