𝐒𝐏𝐎𝐑𝐓𝐒 𝐍𝐄𝐖𝐒 | 𝗣𝗵𝗶𝗹𝗶𝗽𝗽𝗶𝗻𝗲 𝗣𝗮𝗿𝗮𝗹𝘆𝗺𝗽𝗶𝗮𝗻𝘀, 𝗺𝘂𝗹𝗶𝗻𝗴 𝘀𝗮𝘀𝗮𝗯𝗮𝗸 𝘀𝗮 𝟮𝟬𝟮𝟰 𝗙𝗿𝗮𝗻𝗰𝗲 𝗣𝗮𝗿𝗮𝗹𝘆𝗺𝗽𝗶𝗰𝘀

Ulat ni Alelie Jade Mallari | Layout by Angilene Dableo | Photo credits to the rightful owner

Sa muling pagbubukas ng world stage para sa sports, muling ipinakita ng mga Pilipinong kalahok sa Paralympics ang kanilang tunay na gilas, lakas at determinasiyon bilang mga kinatawan ng bansa sa 2024 Paris Paralympics na nagsimula noong Huwebes, ika-29 ng Agosto, 2024, sa Paris, France.

Pinakilala ang anim na manlalaro na magsisilbing kinakatawan ng bansa sa apat na kategorya ng isports para sa Paralympics 2024 na kung saan nagsilbing flag-bearers ang swimmer na si Erwin Galiwan at archer Agustina Bantiloc sa Place de la Concorde at Champ Elysees sa parehong araw.

Ang mga manlalahok na naipakilala ay sina Agustina Bantiloc para sa archery, Jerrold Mangliwan sa athletics (wheelchair racing), Allain Ganapin sa taekwondo, Ernie Galiwan at Angel Otom sa swimming, at Cendy Asusano sa athletics (javelin throw).

Ayon sa Philippine Sports Commission Chairman na si Richard Bachmann sa kaniyang interbyu sa ilalim ng ABS-CBN News, ito ang pinakamalaking pangkat ng manlalahok na naipadala ng bansa para sa Paralympics Games mula noong 2012.

“This is going to be the biggest squad we can send in the Paralympic Games after 12 years.” pahayag ni Bachmann.

“The Filipinos are more than excited to see your abilities shining on the international stage,” dagdag pa niya.

Ang nagsisilbing panimula ng Pilipinas ay ang pagpana ni Agustina Bantiloc sa women's individual compound open round 16, kung saan nagtamo ng 127 na iskor na ginanap noong ika-29 ng Agosto.

Sunod naman na makikipagtagisan ang Asian Para Games gold medalist na si Jerrold Manglingwan sa first heat ng men’s 400 meters T52 heats kung saan nasungkit ang pang walong puwesto.

Pagtapos nito ang pagsabak ng taekwondo jin na si Allain Ganapin at swimmer Ernie Galiwan sa ngayong araw, Agosto 31, 2024 sa larangan ng men’s 80-kilogram K44, alaskwatro ng hapon sa oras Pilipinas para kay Ganapin at first heat ng men’s individual medley SM7, 5:20 ng hapon sa Pilipinas naman para sa paglangoy ni Galiwan.

Binibigyang pagpapahalaga ng bawat Pilipinong manlalahok ng Paralympics 2024 ang kanilang laro sa matinding pagnanais na dagdagan ang dalawang natatanging all-time bronze medals na nasungkit nina Adeline Dumapong sa Powerlifting na ginanap noong 2000 sa Sydney at Josephine Medina sa larangan ng Table Tennis, 2016 Rio de Janeiro.

Sa kabila nito, hindi rin matigil ang pagsuporta ng mga Pilipino para sa mga kinakatawan ng Pilipinas.

“I’m sure our para-athletes will do their best and let’s all hope and pray for their success, [as they] make our country proud,’’ saad ng Philippine Paralympic Committee president na si Michael Barredo.

“Sana suportahan pa rin sila. Dadalhin nila ang bandila ng Pilipinas,” giit rin ni Carlo Paalam, Silver medalist ng Tokyo Olympics.

Saludo para sa mga Atletang Pilipino ng Paralympics 2024.